Жұмбақтар | Оспанхан Әубәкіров

Басы да екеу,
Аяғы да екеу.

Қолтығыма кіреді,
Қызуымды біледі.

Қалпағы бар,
Жиегі жоқ.
Аузы бар,
Иегі жоқ.

Көзі үйде,
Кірпігі далада.

Бір кісі керіліп тұр,
Қабырғалары көрініп тұр.

Аяғы бар,
Белінде таяғы бар.

Денесі киізден,
Табаны мүйізден.

Қонса, аяғы көп,
Ұшса, аяғы жоқ.

Жалғыз басы бар,
Жалғыз аяғы бар.
Бастан ұрсаң, жүреді,
Ұрған сайын кіреді.

Басында да тісі бар.
Аяғында да тісі бар.
Кеңірдегін кергілеп,
Ән салатын кісі бар.

Он көзі бар өзінде,
Он цифр бар көзінде.
Көзіне саусақ саласың,
Жырақтан хабар аласың.

Қақпақ,
Қақпақтың асты аппақ.
Аппақтан – аппақ бөз,
Шешуін айт тез.

Бергі жағынан қарасаң,
Арғы жағы көрінеді,
Арғы жағынан қарасаң,
Бергі жағы көрінеді.

Екі балақ,
Екі жең –
Иесі жоқ ішінде.

Жұмбақтар: Оспанхан Әубәкіров